.
.
.
.
ياسلام الله.. بأرض الله.. لوجيه الفلاح
مازجه بالطيب في ظرف الكرم والمرجله
حايكه حوكة محنك يوم صبه ثم فاح
وشدته يمناً تزيد الكيف فيه وتزّهله
صافياً صفو السماء وانقى من المي القراح
مايلاً به للجزل وأجدع دروب المهّزله
حامله في طايره ماهيب من ذيل وجناح
طايره في بطنها حرفٍ قديم تجمله
طايره ماهي حديد إلاقصيدٍ مستباح
من خفا جوفي ومن راساً بيوته تذهله
ياجماعه افطنو لي ماخفا بالقلب ناح
واقربوا واقروا علي الحمد عقب البسمله
راح نصي يوم نصي مافقدته لين راح
صرت نصاً دون نصاً وسط عصراً يهمله
اشهد إن الحب ذنباً ما يكفره الصياح
واشهد إن الحب داءًا طبّ عصري يجهله
واشهد إن العين ليلأ كامل وخده صباح
وعندها به جمرتينً والشعر ماجدّله
جيت قلت : الله يلعن جدك بلعن المزاح
يالمهجول بالغلا وش عاد بي تهجوله
قال : آسف والله إني مانويتك بالجراح
بس خذها ياحبيبي زود طيش وطهبله
وراح يمشي قلت : وقف. وإلتفت قلت : استباح
قال : منهو. قلت : هجرك مستبيحه وأزهله
والله إنه ماتطّعم خافقي منك الصلاح
كل ماجاك يتلذذ في عيونك تزعله
راح عمري في غرامك من صباح إليا صباح
ولا لقيت بوجه صدقك غير كذب وزعبله
قال : كيفك. قلت : طسّ وطسّ مدري وين راح
ولعن ابو جده أخذها جد روّح ما أهبله
بس عادي والله إنه ماأنحنى راسي وطاح
غير لله واحداً قال الكتاب ونزله
والله إنه يعرف إني وافياً ليل وصباح
ويعرف إني لامشيت الدرب ما ارجع بأوله
ويعرف إني لي خفوقاً يشرب السم الذحاح
وكل رجماً لاطلع به خافقي ما حوله
والله إني لشرب سمومه ولا أنوي له مراح
ووالله إني لسكن بدمعي ولا أجيه أحمله
ووالله إن الموت يأخذني وقولي ما يزاح
ووالله إني لندفن ماقلت حمله ما أثقله
وهذا أنا لي عقب هجره خمسة شهورٍ وضاح
رامي الماضي وراي وكل عوج أعدله
والله إني ما بغيته بالقصيده بس راح
طربخة فكري براسي لا البيوت تحوله
باغياً بالبيت جمله ما تزيد إلا صلاح
قول : { وقت اليوم منهو تعرفه قد تجهله }
بإختصار : اللي حفظته في ذرى صدق ونصاح
وشايله بين الضلوع وله وقار ومنزله
لاأرتفع صوت الزمازم وإنتشر والسيف لاح
وأثقل الحمل الكتوف وصحت له وأعتزتله
أشهد إنه ما حمل حملك ولا شفت الفلاح
وأشهد إنه خاب ظنك بالرفيق ومزهله
يحمل حمولك بعيداً ماعرفته لين صاح
بالعزاوي رافعاً صوته وحملك سهّله
ذيب ليلأ برق غيماً في توال الليل لاح
كل باباً للمراجل لافزع لك حصله
من بغيته وسط وقته مالقيته عنك راح
ومن نسيته ماذكرته بالشقا ماتجهله
وبالختام الله يبدل دامس الليل بصباح
والصباح الله يجيبه في صفاه ومكمله
[color:d0ae=blue]
موضوع: لمصافحة قلوبكم .. 
الأحد مارس 14, 2010 9:45 am
